Commentaires sur : PEUPLE DE MAURICE, LE SOUVERAIN C’EST TOI, PAS LA COUR SUPRÊME… https://www.allo-maurice.com/peuple-de-maurice-le-souverain-cest-toi-pas-la-cour-supreme/ Allo Maurice ! La diaspora appelle... Mon, 20 May 2019 08:08:28 +0000 hourly 1 https://wordpress.org/?v=6.9.4 Par : Flo Juste https://www.allo-maurice.com/peuple-de-maurice-le-souverain-cest-toi-pas-la-cour-supreme/#comment-44 Mon, 20 May 2019 08:08:28 +0000 https://www.allo-maurice.com/?p=989#comment-44 Li vre ki nou Konstitision rekier bann revizion dan plizier aspe pou ramenn li « à l’esprit du temps présent » kom pou permet enn reform agrair par examp, ek ousi pou ki sertin disizion fondamantal danvergir pass par bann referendum. Me pwiske nou pa ena lopsion referendum aster la, e ki bann politisien, pou bann rezon elektoralist pa oule reviz Konstitision la pou permet a bann sitwayin ki swete pa ena pou deklinn zot idantite ethnik pou poz kandida pou eleksion, ReA pa ena lot opsion apart fer enn aplikasion Lakour Siprem. Se ki vedir ki personn pa ena drwa blam zot pou sa. Zot pe zist exers zot drwa ek liberte fondamantal pou reklame ki zot pa ena pou deklar zot idantite ethnik. Malerezman, lalwa kouma li ete aster la, anpes zot fer sa, selon interpretasion de sertin. Donk, oblize ena enn instans pou transe lor sa kestion la, e dan nou ka sa linstans la, ce Lakour Siprem. Dayer, dan tou demokrasi konstitisionel, kan ena diverzans dan interpretasion, ce touzour Lakour Siprem ki transe. Personelman, mo pense ki enn sitwayin ti bizin ena drwa swazir pou pa deklar so idantite ethnik pou poz kandida pou enn eleksion selon prinsip swa-lib ki enn de bann pilie demokrasi.

Manifesteman, inklizion deklarasion idantite ethnik, servi exklizivman pou alokasion siez meyer perdan. Donk, kan enn kandida swazir pou pa deklar so idantite ethnik, li konsian ki sa exklir lir otomatikman dan mekanism meyer perdan. Kan nou abord sistem meyer perdan, li neseser note ki ena enn perversion parski en 2019, li baze lor enn resansman ethnik de 1972, alor ki popilasion finn ogmante ek evolie sinifikativman depi sa lepok la. Mo pense ki, ena enn gro travay ki bizin fer dan plizier aspe Konstitision afin ki li reponn a bann aspirasion lezitim Lepep de 2019 ki fonsierman diferan de sa ki li ti ete en 1967. Malerezman, bann politisien « mainstream » ankor viv dan dernie siek. Donk, pou linstan, Lepep ena zis laport Lakour Siprem pou tape. Mo ousi ena enn lot apreansion. Eski rezilta enn referendum pou reflet volonte Lepep, ou bien li pou rezilta linflians politik ek lafors larzan?

]]> Par : André Montocchio https://www.allo-maurice.com/peuple-de-maurice-le-souverain-cest-toi-pas-la-cour-supreme/#comment-43 Sun, 19 May 2019 20:37:52 +0000 https://www.allo-maurice.com/?p=989#comment-43 5

]]> Par : A. Jean-Claude Montocchio https://www.allo-maurice.com/peuple-de-maurice-le-souverain-cest-toi-pas-la-cour-supreme/#comment-42 Sun, 19 May 2019 20:28:11 +0000 https://www.allo-maurice.com/?p=989#comment-42 5

]]>